ინტერიერის მაღაზია MIND THE SHOP 2020 წელს დაფუძნდა. აქ შეხვდებით სხვადასხვა სახის ნივთებს- უზბეკური კერამიკა და ქსოვილი, ხელით ნაქარგი აქსესუარები, ქართული არქიტექტურით შთაგონებული ნივთები, საბჭოთა ხელოვნების ესთეტიკით შექმნილი პოსტერები, ასევე ავეჯი და დეკორაცია.
„ჩვენი მაღაზიის კონცეფცია მოდისა და დიზაინის სინთეზია. ჩვენი მომხმარებელი არის ადამიანი, რომელსაც უყვარს მოდა და ინტერიერი. ვფიქრობთ, რომ დღეს, როდესაც ინტერიერის აქსესუარები მასიურად იწარმოება, მომხმარებელი სულ უფრო მეტად ეძებს ხელით შექმნილ, უნიკალურ ნივთებს. ჩვენ ვცდილობთ მომხმარებელს ეს საჭიროება დავუკმაყოფილოთ,“- ანანო აბდუშელიშვილი, მაღაზიის კრეატიული მიმართულების ხელმძღვანელი.
